«Հյուսիսի երիտասարդներ» Երիտասարդական հասարակական կազմակերպությունը նախկինում՝ 2017 թվականից եղել է ոչ ֆորմալ խումբ, որը զբաղվել է հմտությունների զարգացմամբ և գիտելիքների ձեռքբերմամբ (ՙԻմփաքթ՚ և ՙՍքայ՚ ակումբ): Ոչ ֆորմալ խմբի ժամանակ իրականացրել ենք մի շարք ծրագրեր ՙՎորլդ Վիժնի՚ և համայնքի երիտասարդների հետ համատեղ Ամասիա համայնքում։ Այսուհետև, 2019 թվականի փետրվարից դարձել ենք իրավաբանական կազմակերպություն՝ «Հյուսիսի երիտասարդներ»Երիտասարդական հասարակական կազմակերպություն։
Կազմակերպությունը ակտիվ մասնակցություն ունի համայնքում տեղի ունեցող միջոցառումներին՝ սանմաքրում, կամավորական աշխատանք: Սերտ համագործակցելով տեղական ինքնակառավարման մարմինների հետ՝ իրականացվում են համայնքային նախաձեռնություններ, որոնք ուղղված են համայնքային տարբեր հիմնախնդիրների լուծմանը:
Կազմակերպությունը համագործակցում է տեղական և միջազգային կազմակերպությունների հետ։
